དྲ་ལྗོངས་ འདིའི་ དམིགས་ཡུལ་ དང་ དགོས་པོ་ རྒྱུ་མཚན།
- ༡ འབྲས་ལྗོངས་ ལྷོ་པའི་ མི་རིགས་ཙུ་ལོ་ སྐད་རིགས་ སྐོར་ལོ་ གསལ་བཤད་ དང་ སྐད་ འདིའི་ ད་ལྟོའི་ གནས་སྟངས་ འདིའི་ སྟེང་ལོ་ ཡོད་པའི་ ཉེན་ཁ་ དང་ འདི་ཀིས་ མི་རིགས་ སྤྱི་ལོ་ ཁེ་གྱོང་ གན་ ཡོད་ གསལ་བཤད་ བྱ༹ས་ཤད།
- ༢ ལྷོ་སྐད་ སྲུང་སྐྱོབ་ དང་ དར་ཁྱབ་ དོན་ལོ་ ཕྱག་ལས་ གན་གན་ བྱ༹ས་དགོས་པོ་ འདིའི་ སྐོར།
- ༣ སྤྱིར་ ལྷོ་སྐད་ ཤེས་དགོས་ མནོ་མཁན་ ཐམས་ཅད་ལོ་ ལྷོ་སྐད་ སླབ་ཐབས་ བྱ༹ས་ཤད་ དང་ ལྷག་པར་གྱི་ ང་ཅའི་ ན་གཞོན་ཙུ་ལོ་ ལྷོ་རིགས་ དང་ ལྷོ་སྐད་ སྟེང་ཁར་ དོ་སྣང་ སྐྱེ་ཐབས་ བྱ༹ས་ བཅུག་ཤད།
- ༤ ལྷོ་རིགས་ རྒན་གཞོན་ ཐམས་ཅད་ལོ་ རང་སྐད་ རྐྱབས་པའི་ དོན་ལོ་ ཚིག་མཛོད, ཁ་གཏམ, གཏམ་དཔེ, སྒྲུང་/གསུང་ འདི་ཙུའི་ ཐོག་ལས་ སེམས་གསོ་ དང་ རོགས་རམ་ ག་ཚུགས་ བྱ༹ས་ཤད།
- ༥ ལྷོ་སྐད་ལོ་ བཀའ་དྲིན་ཅན་གྱི་ མཁས་དབང་ དམ་པོ་ དང་ ལྷོ་སྐད་ ངོས་འཛིན་ དོན་ལས་ སྐུ་ངལ་ མུ་མཐུད་ གནང་མཁན་ སྐྱེ་ཆེན་ཙུ་ལོ་ བཀའ་དྲིན་ ལེགས་སོ་ ཞུ་ཤད།
- ༦ འབྲས་ལྗོངས་ རྒྱལ་སྤྱིའི་ ལོ་རྒྱུས་ དང་ ལྷོ་པའི་ མི་རིགས་ཙུའི་ ལོ་རྒྱུས་ འདི་ཙུ་ བདག་འཛིན་ དང་ སྲུང་སྐྱོབས་ བྱ༹ས་ཤད།
- ༧ དེང་སང་ དུས་ཚོད་ དང་ མཐུན་བོའི་ ནང་ལས་ ལྷོ་སྐད་ འདི་ མ་མཉམ་ གོང་འཕེལ་ དང་ རྒྱུན་གནས་ གནས་པའི་ དོན་ལས་ གྱོས་མཐུན་ འདི་ཙུ་ མུ་མཐུད་སྟི་ བྱ༹ས་ཤད།
- ༨ རྒན་བོའི་ རིགས་ལམ་ ཡོན་ཏན་ ཇུས་ཙུ་ གཞོན་བོའི་ ཤེད་ གཉིས་ གཅིག་མཐུན་ ཐོག་ལས་ སྐད་རིགས་ རིགས་གཞུང་ ཡར་རྒྱས་ བཏང་ཤད་ འདི་ཙུ་ དམིགས་ཡུལ་ གཙོ་བོ་ ཨིན༎ །།